2013-09-24

වල්ලී ගෙට වෙලා

එදා මහ පාන්දර වෛතාලයෙන්ම සේදරා හේනට දුවගෙන ගියේය. ඒ යනකොටත් පුංචි රාළ හේනේ පැල උඩ ගොරව ගොරවා නිදාගෙන හිටියේය. ඉණිමඟ නැඟගෙන සේදරා උස ගහේ මැද සවි ශක්තියට ඉදිකර තිබූ පැලට ගොඩ වී තවමත් නිදාගෙන හිඳින අප්පුච්චා දිහා බලාගෙන සිටියේය. මොනම හේතුවකටවත් උපන්දා සිට කිකලෙකවත් ඔහු නිදියන අප්පුච්චා ඇහැරවා නැත. උන්දැගේ කේන්තිය ගැන දන්නා නිසාම සේදරාගේ හිතේ පුංචි රළ අවදි කරන්න කැමැත්තක් තිබුනේ නැත. ඒ නිසා සද්ද නොකර පැයක් හමාරක් ඔහු කකුල් කෙටි දෙක පහලට දමාගෙන ගහ උඩ පැලට වී ඈත හේන දිහා ඔහේ බලාගෙන හිටියේය.

ඉර එලිය පොලව බදාගන්න තතනන විට පුංචි රාළ ඇහැ ඇරියේය. සේදරා ඉස්පාසුවක් නැතුව පුංචිරාළ දිහාට හැරුණේය.
“අප්පුච්චා මං ආවේ..“
“අර ලබු කට්ටට පොකුණෙන් වතුර ටිකක් අරං වරෙන්“
සේදරාට හරියට වචන පෙළ ගස්සා ගන්ට පුළුවන් වුණේ නැත පුංචි රාළ ඉස්සර වුණේය.
........................................................................................................
“හ්ම් ඉතිං කියහන්..“
“වල්ලි ගෙට වුනා කියලා අම්ම කියන්ටය කිව්වා.. “
පුංචිරාළ ඒ වචන ගණනකටවත් නොගත්තේය. පුරුදු විදිහට බුලත් විටට තව දුංකොල කෑල්ලක් ඒදුවේය. ඉන්පසු යළි පැලේ ඉඳගන්න ගමන් සේදරා දිහා නොබලාම මෙසේ කීවේය.
“උඹ පලයං ගෙදර..“

2013-09-23

The last song

දිවිය සුවද කල අරලියා මල අද
මිලින වන්නට සැරසෙනා..
මල් සුවද හද තුල හොවා ඔබ
මහැර යන්නට
දින ගනිමිනා


දැන සිටිය මුත් පරවෙනා බැව්
පිපුනු මල් ලෝ දහමිනා
තුරු වසා ගිය රුදුරු
පිලිලය
ඔබ......
මගෙන් දුර ගෙන ගියා


කැවු බත් පින්ඩු, පිදූ සෙනෙහස
අද කොහේදෝ සැගවුනේ....
ගිලන් වී  වත වෙහැරි ගිය
කන්දුලු පිරි නුබ ගිලුනු නෙත් යුග
කියයි අනියත බව ලොවේ


පැතු පැතුමන්
දිනෙන් දින
ගිලිහි යනමුදු,
පතමි
නුබෙ වී 
ලගම හිදුමට
සසර මතු 
බවයෙන් බවේ
අම්මා...........
නුබයි  මගෙ අම්මා...........

2013-09-22

දන්නවාද? 

අර සංගක්කාරට හොඳ කියපු,
ඒ වගේම ඌට බැනපු,
ජයසූරිය පතුරු ඇරපු,
දේශප්‍රේමීන් හා දේශද්‍රෝහීන්..
කඳුරට මෙරූන්ස්ලා,
මැච් තුනම පරාද වුනා කියලා
දන්නවාද?
ආ සමාවෙන්න
අද ඡන්ද ප්‍රතිඵල එනවානේ
නේද?
දයාසිරි මහඇමති වෙයිද?

2013-09-20

පරිවර්තිත උද්ධරණ

ජීවිතය යනු කුසුමක් නම්
ආදරය යනු ඒ මලේ පැණි වේ..
වික්ටර් හියුගෝ.
ඔබගේ අත උදුනක් තුලට දමා
මිනිත්තුවක් සිටින්න.
ඔබට එය පැයක් මෙන් දැනේවි
ඔබ රුසිරු ලඳක් අසල පැයක් අසුන්ගන්න,
ඔබට එය දැනේනේ මිනිත්තුවක් ලෙසිනි.
සාපේක්ෂතාවාදය යනු එයයි.. 
ඇල්බට් අයින්ස්ටයින්
ආහාර කුසගින්න නැවතීමට වඩා
ආදර කුසගින්න නැතිකිරීමට
ඉතා අපහසුය..
තෙරේසා මව්තුමිය

2013-09-17

ඔබ..

හීන වලට හොරෙන් එබී.
කතා වල අස්සට පැනපු.
මොලේ කෑල්ලක් බලෙන් අත්පත් කරගත්තු.
යන යන තැන,
අහන දකින දේවල්වල,
හොරෙන් හැංගී බලා ඉන්න,
හිතට කීකරු ඒත් අකීකරු,
හිතට නැවතත් ආදරය ගෙනාපු. 
ඔබ..

2013-09-13

අපි ආයි කතා කරමු..

සරත්..
එන්න පල්ලිය කඩන්න.

හසීම්.
වරෙන් ගල් ගහන්න.

යාධවන්.
වරෙන් ගිනි තියන්න.

ජෝසප්.
වරෙන් හරවන්න.

ෂරත් මල්ලි,
ෂීනි ඉවරයි ෂීනි ටිකක් දියන්.

හසීම් අයියේ,
පන්දාහක් දියන් ලබන සතියේ දෙන්නම්.

මචං යාධවන්,
පොඩි එකීට අමාරුයි.

ජෝසපු අන්නා.
එනවද අපේ ගෙදර අද රේ කේමට.

මේ හතරදෙනා එක එකාව මරාගත්තු දවසට අපි ආයි කතා කරමු. 


2013-09-09

මිනිස්සු..

මිනිස්සු තීරණ ගන්නවා..
ඒ තීරණ සාධරණීකරණය කරනවා.
ඒවා වැරදුනාම අපරාදේ කියලා
අතීතය ගැන දුක්වෙනවා..

මිනිස්සු ආදරය කරනවා.
පොළු තියනවා.
පොළු තියාගන්න බැරුව ලතවෙනවා.

මිනිස්සු වැරදි කරනවා.
ඒවා කෙනෙක්ට හරි
කෙනෙකුට වැරදියි..

අන්තිමේදි අපි ඔක්කොම මිනිස්සු..
ඔව් අපි මිනිස්සු තමා..

2013-09-02

සඳුදා..

සඳුදා..
සඳුදා කියන්නේ පරක්කු වෙලා ඇහැරෙන දවස..
කෝච්චියට දුවන දවස..
ලස්සනටම ඔපිස් යන දවස..
බොන්න හොඳම නැති දවස..
සතියේ තියෙන නිදිමතම දවස..

ජලක් ජලක් නටපු ජයසූරිය
සංගක්කාරට
දේශප්‍රේමී වෙන හැටි උගන්වන හැටිත්.... 
පාලක මණ්ඩලයකට
කොන්ද පණ ඇතුව තීරණයක් ගන්න බැරි කමින්
කුජීත වෙලා යන හැටිත්...
දෙපැත්තකට බෝල පාස් වෙන හැටිත්
දැක්කාට පස්සේත්...
ලංකාව තාම මැච් එකක් දිනනවා දැක්කාම
මට ඇඬෙන්න එනවා..
එනවා නෙමෙයි ඇඬෙනවා.. 

ඒ අස්සේ රනාට දාපු වැපාගේ කමෙන්ට් එකක් දැක්කා
සඟ, වෙද, ගුරු, ගොවි, කම්කරු, රණවිරු, එජාප 
සප්ත මහා බලවේගයෙන්,
30වසරක ශාපලත් ත්‍රස්තවාදයෙන්,
මාතෘ භූමිය නිදහස් කරගැනීමට,
දේශපාලන නායකත්වය ලබාදුන්,
ශ්‍රී ලංකා නිදහස් පක්ෂය

අද දවසේදී සිය 62වන සංවත්සරය,
අභිමානයෙන් යුතුව සමරණ වගයි...
බුදු අම්මෝ.. 
යන්තම් ඇති.
හෙට අඟහරුවාදා....

2013-03-19

කාලිදාසයන් ලියූ හොඳම කවිය..

කාලිදාස. කුමාරදාස රජුන්ගේ කාලයේ හිටපු ශ්‍රේෂ්ඪ කවියෙක්..

කොහොම වෙතත් කාලිදාසගේ කවි ඒ කාලේ හෙන ප්‍රසිද්ධයි. නිකමට හිතන්නකෝ ශිහාන් සහ ලංකාවේ කෙල්ලෝ ගැන. කාලිදාසගේ කවිවල තියෙන ගතිය නිසා සිය පියයුරු වල කාලිදාගේ කවි ලියාගන්න ගැහැණු ලමයි ඒකාලෙත් හිටියා. කුමාරදාස රජතුමාගේ දියණියත් මින් එක්කෙනෙක්..
දවසක් කාලිදාස පාරේ එනකොට කුමාරදාස රජතුමාගේ දියණිය සඳලුතලයේ සිට පහලට පඩිපෙලින් දියගේන්න පොකුණ වෙත යමින් සිටියේ. ඇය එකවරම කාලිදාස දැක්කා. ඇය කෙතරම් කලබල වුනාද කිව්වොත් ඇය උකුලේ රඳවාගෙන සිටි කලය පඩිපෙල දිගේ පහලට පෙරලී ගෙන ගියා..
කාලිදාසගේ කවි අදහස් අවදි වුනා. කිව්වා ශ්ලෝකයක්..

රාජාභිෂේකේන මදවික්ඛලායං.. 
රාජ අභිෂේකයෙන් සිහිය විකල් වෙලා ඉන්න තැනැත්තියකගේ..

හස්තං චුතං හේම ඝඨෝ විහත්තං.. 
හේම ඝඨෝ කියන්නේ රත්තරං කලය, රත්තරං කලය හස්තයෙන් ගිලිහුනා.

සෝපානු මාර්ගේන කෘතෝප ශබ්දං.. 
සෝපානු මාර්ගය කියන්නේ පඩිපෙලනේ, සෝපානු මාර්ගයේ මෙන්න මේවගේ ශබ්දයක් දෙමින්,

ටං ටං ටටං ටං.. ටට ටං ටටං ටඃ.. 
අන්තිමට ටහ් කියලා කිව්වේ අන්තිම පඩියෙන් පොලවට වැටුන සද්දේ..

ඕක තමා කවිය..
මේක කිව්වේ ගුරුගේ කියලා මට ඉන්න පරණම යාළුවොන්ගෙන් එකෙක්.

2013-03-06

මාලිංග සහ අපි සමග ඊයේ සහ අද..

ඊයේ මාලිංගයාට බැනපු දවස වන අතර අද හොඳ කියන දවස වේ... 
එක්කෝ බැනපු එවුන් අද ඔන්ලයින් නැත. නැත්නම් උන් ගෙවල්වලට ගිය පසු මාලිංග පව් කියා සිතී අද සද්ද නොකර සිටී.. 

හා හා.. කස්ටියට හලාල් අමතක වෙයි හොඳේ.. 
මල්ලිලා නංගිලා අක්කලා අයියලා මාමලා නැන්දලා.. 
මතක නැද්ද අර හලාල්.. උලමා.. බොදු බලසේනා.. 

හෙට මොකද්ද?
යනවා මනුස්සයෝ යන්න..

2013-02-28

අපිට පිස්සු ඕයි..

බාලචන්ද්‍රන්
ලලිත් කූගන්
මේ කවුද ඕයි...

වර්ජිනිටි,
සංස්කෘතිය,
මල කරුමයක්නෙ ඕයි..

පන්සල්, පල්ලි,
කෝවිල්,
මොකට හැදුවද ඕයි..

හලාල්
බොදු බල සේනා
මුන් මොක්කුද ඕයි..

ඇමති පුත්තු
එස් අයි පුත්තු
තවත් එවුන් ඉන්නවද ඕයි..

මිනිහා,
හරකා, ඌරා,
මුනුත් සත්තුද ඕයි..

මාත්
ඡන්දෙ ඉල්ලනවා ඕයි...

මට තාමත් මේ රටේ
ජීවත් වෙන්න
හිතෙනවා ඕයි..

මට පිස්සු වගේ ඕයි...
වගේ නෙමෙයි ඕයි..
හොඳටම පිස්සු ඕයි..

2013-01-30

කේන්දර හා උපාසකම්මලා..

මේ දවස්වල මගේ මිත්‍රයෙක්ගේ හතර කේන්දරේ පාළු වෙලා කියලා නැන්දම්මාගෙන් පොඩි කොස්සක් ඇවිත්. ලොකු අවුලක් නෙමෙයි. ඒත් ඒක එක්ක මම ටිකක් ඕක ගැන හෙව්වා. මට හම්බවුනේ මේ දෙක. 
මේක ඔය කේන්දර පස්සේ දුවන උපාසක අම්මලාට වැදගත් වෙයි මගෙ හිතේ..
දීඝනිකායේ බ්‍රහ්මජාල සූත්‍රයේ (සූත්‍ර අංක 1), ජ්‍යොතිෂය සහ සෙසු ගුප්ත විද්‍යාවන්, වංචනික ශාස්ත්‍ර ලෙස හඳුන්වා ඇත.
වංචාවෙන් විවාහයක් කඩාකප්පල් කල කපටි ජ්‍යොතිෂවේදියකු ගැන කියැ‍ වෙන නක්කත්ත ජාතකයේ බුදු රජාණන් වහන්සේ ‍මෙසේ වදාල සේක,“මෝඩයා නැකතක් එන තුරු නිකරුනේ බලා සිටී. සැබෑම නැකත වන්නේ තමාගේ අරමුණ සපල කරගැනීමයි. තරුවලට කුමක් කල හැකිද?”
එමෙන්ම විනය පිටකයේ චුල්ලවග්ග පාලියේ ජ්‍යොතිෂය සහ ‍සෙසු ගුප්ත විද්‍යාවන් මහා සංඝරත්නයට තහනම් කර ඇත.
එච්චරයි..